Våre gode hjelpere har igjen sendt oss ei skikkelig gladmelding! Tenk, nå har de rydda og merka Nordfjellstien! Et strålende godt prosjekt! I tillegg til innsatsen med dette, formidler de også en herlig entusiasme for å bruke de gamle stiene, noe som gir ro og velvære i kropp og sjel, som de selv uttrykker det. Tusen hjertelig takk til Hallgrim, Astrid og Geir!
Alle foto: Hallgrim Hjelmbrekke.
Her er deres tilbakemelding:
NORDFJELLSTIEN – FINASTE TUREN I OGNDAL!
Nordfjellstien frå Roktgården (parkering ved bommen til skytefeltet) til Skjelstad er no oppgradert, dvs. nyrydda og nymerka med raudmåla treskilt, laga av Stig. Første delen frå Roktgården til trimkassen er mykje brukt og velstelt, turen derifrå til Skjelstad var delvis gjengrodd og trengte litt stell.
No er stien “nymerka“, og stileia er brei og lett å følge. Det er ingen vanskelege passasjar, lite myrlendt og ingen spesielt tunge motbakkar – så stien er lett å gå!
Turen er på 7 km og tar deg med på ei flott oppleving i lettgått terreng med utsyn over Lustadvatnet, Roktheia, Skjækerhatten, Stortjønnfjella, Hermannsnasa og Hærvola. Går du her, vil du oppleve ei ny side ved Ogndalsfjella, og som oss, oppleve ei kjensle av ro og velvære. Etter å ha gått denne leia, vil du truleg bli enda meir glad i naturen og mangfaldet i Ogndal.
Stien er også ein del av Pilegrimsleden i tillegg til at den var ferdselsvegen frå Skjelstad til Skjellegrind før kjørevegen rundt Lustadvatnet vart bygd tidleg på 60-talet.
Stien treng folk som vil bruke den, så legg i veg! Gå tur/ retur, snu halvvegs eller bruk to bilar om du vil gå den eine vegen.
Takk til Jorid og Stig!
Helsing Astrid, Geir og Hallgrim
Legg inn en kommentar